လူရယ်လို့ ဖြစ်လာရင် ဘယ်နေရာ ၊ ဘယ်ဒေသ ၊ ဘယ်လူမျိုး ၊ ဘယ်အသိုင်းအ၀ိုင်းမှာပဲ ဖြစ်ဖြစ် ခံစားမှုနဲ့ ပတ်သတ်ပြီးတော့ တစ်နည်းအားဖြင့် ပြောရရင် ဖြတ်သန်းခဲ့တဲ့ အတွေ့အကြုံတွေ ၊ ဆက်ဆံခဲ့ ဖူးသူတွေနဲ့ ပတ်သတ်ပြီး အသိအမြင် အမျိုးမျိုးတော့ ရှိကြမှာပဲ မဟုတ်လား ... ကိုယ့် ပတ်ဝန်းကျင် အသိုင်းအ၀ိုင်း ၊ ဆွေမျိုး ၊ ဆရာသမား ၊ မိဘညီအစ်ကိုမောင်နှမ စသည့်ဖြင့် ကျွန်တော်တို့ တွေ မြင်တွေ့ ဆက်ဆံ ရတဲ့ အတွေ အကြုံပေါ် မူတည်ပြီး အမြင်တွေ သဘောထားတွေ ကွဲလွဲကောင်း ကွဲပြားကောင်း ဖြစ်နေမယ် ဆိုတာ မငြင်းဘူး မဟုတ်လား ........အဲဒီလိုပဲ IQ အဆင့်အတန်းလဲ ကွာခြားလိမ့်မယ်လို့ ကျွန်တော် မြင်ပါတယ်....ကျွန်တော် ကတော့ အခု အချိန်ထိ ကြိုးစားဆဲ လူငယ် တစ်ယောက်ပါ ..... လိုအပ်နေတာကို ဖြည့်ဆည်းရင်း တစ်ခါတစ်ခါ ဘ၀ဆိုတာ ဖြည့်တိုင်း မပြည့် ၊ လိုမြဲတိုင်း လိုနေတဲ့ အရာ တစ်ခုလို့ ကျွန်တော် မြင်လာမိတယ် ..... ပြီးပြည့်စုံခြင်းဆိုတာ ဘယ်တော့မှ လူသားတစ်ယောက်အနေနဲ့ ရလာမှာ မဟုတ်ဘူး ဆိုတာ ကျွန်တော် နားလည်ထားပါတယ် .....
ဒါပေမဲ့ ကျွန်တော် မသိတာတွေ ၊ မတတ်တာတွေ ၊ သတိမပြုမိတာတွေ အရမ်းများနေတယ်လို့ ခံစားမိပါတယ် .... ဘာကြောင့်လဲ ဆိုပြီးတော့ ကျွန်တော် ခဏခဏ အဖြေရှာဖူးပါတယ် .... လူဆိုတာ အတိုင်းအတာ ၊ စည်းဘောင်ထဲကနေ လုပ်ခွင့်ရတဲ့သူတွေများနေမယ် လို့တော့ ကျွန်တော် သိတယ် ... ဘယ်သူမှ အရာရာ တတ်မြောက်ကျွမ်းကျင်မယ် လို့တော့ ကျွန်တော် မထင်ပါဘူး .... အထွေထွေ ဗဟုသုတတော့ ရှိအောင်လုပ်ရင် ရှိမယ်လို့ ယူဆပါတယ် ..... လူသားတစ်ယောက်အတွက် အရာရာပြီးပြည့်စုံခြင်းအတွက် ခေါင်း (ဦးခေါင်း)မဆန့် လောက်ဘူး ထင်ပါတယ် .... ဟုတ်တယ်လို့ ခင်ဗျားရော မယူဆဘူးလား .... ကျွန်တော်ရော ခင်ဗျားပါ လူ့လောကမှာ တစ်ခုခုစီတော့ ထားခဲ့ချင်မှာပဲ .... ကျွန်တော်တို့ ရဲ့ ရှင်သန်ခြင်း ခရီးအဆုံးမှာပေါ့ .... ခင်ဗျားတို့တော့ လုပ်နေပြီ ၊ ဒါမှမဟုတ် လုပ်နေတယ် ထင်တယ် ..... ကျွန်တော်ကတော့ အခုမှ စပြီး လမ်းစရှာနေတုန်းပါပဲ ...... ဒီကမ္ဘာကြီးကတော့ ဆက်ရှိနေမှာပဲ ကျွန်တော်တို့ကသာ ရှင်သန်ခြင်း ခရီး အဆုံးရှိတာမဟုတ်လား ..... ဘုရားဟောခဲ့သလို ဖြစ်သမျှဟာ တစ်ချိန်ချိန်တော့ ပျက်စီးကြရမှာပဲ မဟုတ်လား .... ကမ္ဘာမြေရဲ့ အဆုံးသတ်ကတော့ ကျွန်တော်မသိနိုင်ပေမဲ့ ကမ္ဘာရဲ့ တစ်နေရာ တစ်ထောင့်မှာတော့ ကျွန်တော် တတ်စွမ်းသလောက်နဲ့ ဆက်လက်ရှင်သန်နေရမှာပဲ ဆိုတာကိုတော့ သိထားပါတယ် ....
ကျွန်တော်မသိလို့ ခင်ဗျားတို့ကို မေးပါရစေ ..... ဖြေပေးကြည့်ပါလား ..... လူသားတစ်ယောက် ဖြစ်လာပြီး ရှင်သန်နေထိုင်ခြင်းရဲ့ အဓိပ္ပာယ်က ဘာများလဲလို့လေ .... ဒီလိုမေးလို့ ကျွန်တော်ကို လမ်းပျောက်ပြီး ယောင်တောင်တောင်ဖြစ်နေတဲ့ သူတစ်ယောက်လို့ ထင်နိုင်ပါတယ် .... ကျွန်တော် ပြောခဲ့ပြီးပြီပဲ အခုမှ လမ်းစရှာနေတာပါလို့လေ .....
No comments:
Post a Comment