လူသားဆန်ခြင်းဆိုတဲ့ စကားလုံးရဲ့ အဓိပ္ပာယ်ကို ခင်ဗျားတို့ ဘယ်လိုသိထားလဲ ပြောပြပေးပါလား ... ကျွန်တော်ကတော့ လူတွေကို မေးကြည့်ဖူးပါတယ် ... ဘယ်လိုမြင်ကြသလဲ ဆိုတာကိုပေါ့ ...
အမျိုးမျိုးသော အနက်ဖွင့်ဆိုချက်တွေ ကြားရတယ်ဗျာ ... "ဘယ်သူသေသေ ငတေမာရင်ပြီးရော" ၊ " ကမ္ဘာမီးလောင် သားကောင်ချနင်း " (သားကိုတောင် ချနင်း တာကိုပြောတာပါ) ။ အဒီလို စကားပုံတွေကို ခင်ဗျားရော ဘယ်လိုမြင်ပါသလဲ ခင်ဗျာ ... အဲဒါဟာ လူသားဆန်ခြင်းပါလို့ ယူဆပါသလား ...
ပြီးတော့ " မာသာထရီဇာ " တို့ " နိုက်တင်ဂေး "တို့လို ကိုယ်ကျိုးမငဲ့ပဲ လုပ်ခဲ့တာကို လူသားဆန်တယ်လို့ ခေါ်မလား ... ကျွန်တော်က သူတို့အကြောင်းကို စာအုပ်လောက်သာ ဖတ်ဖူးတာ ဆိုတော့ သူတို့ ဖြတ်သန်းခဲ့တဲ့ ဘ၀ဇာတ်ခုံ အဖုံဖုံတော့ သေချာမသိဘူးပေါ့ခင်ဗျာ ....
အဲဒါဆို အတ္တကို ဦးစားပေးတာဟာ လူသားဆန်ခြင်းလား ... ပရဟိတကို လုပ်တာဟာ လူသားဆန်ခြင်းလား ... ပရဟိတ နဲ့ အတ္တ ကို ကျွန်တော်တို့တွေ ဘယ်လိုမြင်ကြသလဲ ဆိုတာကလဲ ရှိသေးတယ်ဗျ ... တစ်ချို့ကလဲ ပရဟိတလုပ်တာကို ဘန်းပြပြီး နောက်ကွယ်မှာ လုပ်ချင်တာကို လုပ်ရဖို့ လုပ်နေသူတွေလဲ ရှိရဲ့ ... တစ်ချို့ကတော့ စိတ်ရင်းစေတနာနဲ့ လုပ်နေပေမယ့်လဲ " အကျိုးလိုလို့ ညောင်ပင်ရေလောင်းတယ် " လို့ အပြောခံရတာတွေလဲ တွေ့ဖူးတယ် ခင်ဗျာ ...
တစ်ခုပြောချင်တာက " အမြင်ဆိုတာ ကြည့်တဲ့သူပေါ်မှာ မူတည်တယ် "လို့ ကျွန်တော် ထင်တယ် ... အတည့်ထားထားတဲ့ ပစ္စည်းတစ်ခုကို ဇောက်ထိုးလုပ်ပြီး ကြည့်ရင် အတည့် မြင်နိုင်ပါ့မလား ... တစောင်းကြီး ကြည့်ပြန်ရင်ရော ဘယ်လို့ မြင်ရမလဲ ... တစောင်းကြီးပေါ့ဗျာ ... အဲဒါကြောင့် " ချစ်သော မျက်စိဖြင့်သာ ရှုမြင်ကြပါ "လို့ ဘုရားဟောခဲ့တာ ဖြစ်မယ် ထင်ပါတယ် ... ဘယ်လိုကြည့်သလဲ ဆိုတာကလဲ ရှိပါသေးတယ် ... အကြည့်ဆိုတာ စိတ်ကဖြစ်တာပါလို့ ကျွန်တော် ထင်ပါတယ် ... ခင်ဗျားရော ဘယ်လို ထင်ပါသလဲ ခင်ဗျာ ? ... အကောင်းမြင်စိတ်ကို ပြောချင်တာပါ ... ဒီနေရာမှာ အကောင်းမြင်စိတ်နဲ့ ရောင့်ရဲတင်းတိမ်ခြင်းကို မရောစေချင်ပါဘူး ... ပြောင်းပြန်ဇောက်ထိုးထားထားတဲ့ အရာတစ်ခုကို အတည့်အတိုင်းကြည့်ပေးပါဆိုရင် ခင်ဗျားရော ကြည့်ပေးနိုင်မလား ... အားနာလို့ ဒါမဟုတ် မလွန်ဆန်နိုင်လို့ ဆိုရင်တော့ ဖြစ်ကောင်းဖြစ်နိုင်ပါတယ် ... ဒါပေမဲ့ ကြာလာရင်တော့ သေချာပါတယ် ခင်ဗျားလဲ လက်ခံပေးဖို့ စိတ်ကုန်လာမှာ ကျိန်းသေတယ် ... ဟုတ်တယ် ဟုတ်.
No comments:
Post a Comment