စိတ်ဆိုတဲ့ အရာဟာ ပကတိ ဖြူစင်တယ်လို့ ဘုရားက ဟောခဲ့တယ် .... ကလေး ၊ လူကြီး ၊ ငါ ၊ သူတစ်ပါး ၊ ယောက်ျား ၊ မိန်းမ သူသူငါငါ အားလုံးပါပဲ ... အဲဒါဆို ကလေးနဲ့ လူကြီး ဘာဖြစ်လို့ ကွဲပြားသွားသလဲ ဆိုရင်- စိတ်ကတော့ ဖြူစင်ဆဲပါပဲလို့ ဆိုနိုင်ပါတယ် ... ဒါပေမဲ့ ခံစားမှုကတော့ ဖြူစင်တယ်လို့ မဆိုနိုင်တော့ပါဘူး ... ခံစားမှုတွေ ကွာခြားသွားလို့ ဖြစ်မယ်လို့ ကျွန်တော် ထင်ပါတယ် ... အတွေးအခေါ် ၊ ခံစားမှု ၊ အတွေ့အကြုံကြောင့်လို့ ပြောရင် ပိုမှန်မယ် ထင်တယ် ... စိတ်ခံစားမှု တွေ အရောင်စွန်းနေပေမဲ့ ကျွန်တော်တို့ တွေ ရိုးသားမှု ကိုယ်စီနဲ့တော့ ခရီးဆက်နေကြရတာပဲ မဟုတ်လား ....
ကျွန်တော်တို့တွေ အသက်တွေကြီးလာတယ် လောကနိယာမအရ ဆိုပါတော့...ရင့်ကျက်လာတယ်လို့လဲ ဆိုနိုင်ပါတယ် ... ဒါပေမဲ့ ရိုးသားမှုနဲ့ အတူရှင်သန်ခြင်းက အကောင်းဆုံးလို့ ကျွန်တော်တော့ ခံယူထားပါတယ် ... ဘာကြောင့်လဲ ဆိုတော့ ကျွန်တော် လူကြီးတစ်ယောက်ဖြစ်လာမယ် ... ကျွန်တော် ကလေးတွေကို အမွေတစ်ခုတော့ ပေးခဲ့ချင်ပါတယ် ... ရိုးသားစွာနဲ့ ကြိုးစားရှင်သန်ဖို့ပါ ... လူသားတစ်ယောက်ရဲ့ စိတ်ထားဖြူစင်ရိုးသားခြင်းကိုတော့ ကျွန်တော်လဲ သင်ယူနေသူတစ်ယောက်အနေနဲ့ သူတို့ကို လဲပဲ ပြန်ပြီးလက်ဆင့်ကမ်း သွန်သင်နိုင်မယ်လို့ ကျွန်တော်ယူဆပါတယ် ...
ဒီနေရာမှာ ရိုးသားခြင်း နဲ့ ရိုးအခြင်း ဟာ မတူဘူးဆိုတာတော့ ကျွန်တော် ပြောချင်ပါတယ် ... မိမိ၏ ရိုးသားခြင်းဟာ မိမိကိုယ်ကို မိမိ လေးစားခြင်း ဖြစ်တယ် ... မိမိကိုယ်ကို လေးစားခြင်းဟာ တစ်ပါးသူကို လေးစားခြင်းကို ဖြစ်စေတတ်ပါတယ် ... ကိုယ့်ကိုကိုယ်လေးစားသူဟာ သူတစ်ပါးကိုလဲ လေးစားတတ်သူ ဖြစ်လိမ့်မယ် လို့ကျွန်တော် ထင်ပါတယ် ...
... ပြီးတော့ ကျွန်တော်က အစစ်အမှန်ကိုပဲ သဘောကျတယ် ...ကျွန်တော် ဒီလိုပြောလို့ ဘယ်သူကများ အမှန်အကန်မဟုတ်တာကို သဘောကျကြလို့လဲလို့ ပြန်မေးစရာရှိပါတယ် ... ကျွန်တော်ပြောသလိုပဲ ကလေးဆိုတာ တစ်ချိန်ကျရင် လူကြီးဖြစ်လာမှာဆိုတော့ ကျွန်တော်တို့တွေက မရိုးမသားနဲ့ နေထိုင်ပြုမူနေမယ်ဆိုရင် သေချာပါတယ် ... သူတို့တွေလဲ ကျွန်တော်တို့လို မရိုးမသားနဲ့ ပေတေတေ ဂွကျကျကောင်လေးတွေ ဖြစ်လာလိမ့်မယ်ဆိုတာ ကျိန်သေပါတယ် ... ဒီနေရာမှာ IQ ပိုင်းကို ခဏဘေးဖယ်ထားပါအုံး ... မိမိကိုယ့်ကိုလေးစားတတ်ဖို့ IQ လိုသေးလို့လား .... လိုကောင်းလိုပါလိမ့်မယ် ... ကျွန်တော်အရှေ့မှာ ပြောခဲ့ သလိုပဲ life Style နဲ့ ဆိုင်မယ်ဆိုရင် ခဏတော့ ဘေးပို့ထားပါအုံး ....
ကျွန်တော်ပြောချင်တာက ဒီနေရာမှာ ရိုးသားခြင်း နဲ့ ရိုးအခြင်းအပေါ် လူတွေအမြင်ကို ပြောချင်ပါတယ် ... ဘယ်လိုကြောင့် ဖြစ်တတ်သတုန်း ဆိုရင် တန်ဖိုးထားတတ်မှု ပေါ်မှာ မူတည်လိမ့်မယ်လို့တော့ ကျွန်တော် မြင်တယ် ... ရိုးသားမှုဂုဏ် စားမကုန်လို့ တစ်ချို့ကတော့ ရိုးသားမှုကို ဂုဏ်တင်ပေးကြပေမဲ့ ရိုးလွန်တော့ အတယ်လို့ အချို့က ဆိုကြပြန်ရော ... ရိုးသားခြင်းက တစ်ခါတစ်လေ အခွင့်အလမ်းကောင်းတွေ ကို လက်လွှတ်စေတယ် ...သူ့အပေါ်သူ ဖျံကျနိုင်ပါမှ တန်ကာကျမယ် လို့ပြောတဲ့ သူက ပြောကြပြန်ရော ... ရိုးရိုးသားသားလုပ်နေရင် ဒီခေတ်ကြီးမှာ မဖြစ်ဘူးရယ်လို့ ဆိုတဲ့သူတွေကလဲ ဆိုကြပါတယ် ... အဲဒီလို ခင်ဗျားလဲ ကြားဖူးမှာပါ ... တစ်ခါတစ်လေ ခင်ဗျား ကိုယ်တိုင်လဲ အဲဒီအပြောကို လက်ခံမိသွားမိတယ် မဟုတ်လား ... ကျွန်တော်တို့ တန်ဖိုးထားမှုဟာ Mental ပိုင်းသာ ဖြစ်သင့်တယ်လို့ ကျွန်တော် ထင်ပါတယ် ... စိတ်ပိုင်းဆိုင်ရာ ရိုးသားခြင်းနဲ့ အတွေးအခေါ် ထက်မြက်ခြင်းဟာ ပူးတွဲရှိသင့်တယ်လို့ ကျွန်တော် မြင်ပါတယ် ... ဒီလိုမဟုတ်ပဲကျွန်တော်တို့ရဲ့ တန်ဖိုးထားခြင်းဟာ Physical ပိုင်း ရုပ်ဝတ္ထုပိုင်းပဲ ဖြစ်နေမယ် ဆိုရင် ကျွန်တော်တို့ရဲ့ စိတ်ဓာတ်ဖြူစင်ခြင်းဟာ နေထိုင်မှုစရိုက်ပေါ်မှာ မူတည်ပြီး ပြောင်းလဲသွားနိုင်ပါတယ် ... ဘယ်လိုဖြစ်နိုင်မလဲ ဆိုရင် စိတ်ထားရိုးသားခြင်းဆိုတဲ့အရာဟာ ရုပ်ပိုင်းဆိုင်ရာ အရာဝတ္ထုတွေရဲ့ စိန်ခေါ်မှုကိုတော့ ခံနေရမှာပဲ ... ကိုယ့်အကြိုက် ကိုယ်တန်ဖိုးထားရာတွေနဲ့ ရှင်သန်နေထိုင်ကြရမှာပဲ မဟုတ်လား ဗျာ ... ကိုယ်ကြိုက်ရာ ကိုယ်ကောင်းကြတာပဲ မဟုတ်လားဗျာ ... ကျွန်တော်ပြောတဲ့ ပုံပြင်လေးကို သိသလား မသိဘူး ခင်ဗျ ... ဒီလိုဗျ....တစ်ခါတုန်းက သူဌေးသားတစ်ယောက်ရှိသတဲ့ သူက ကျောင်းသား ပြီးတော့ ငွေကြေးချမ်းသာ ပြည့်စုံတော့ အရမ်းကို မော်ကြွားမောက်မာပါသတဲ့ ... ကိုယ်ချင်းစာတရားဆိုတာတော့ ရှိဖို့ ဝေလာဝေးဆိုပဲ ... ငယ်သူတွေကို အနိုင်ကျင့်ပြီး ရွယ်တူတွေနဲ့ ရန်ဖြစ်နေကြတဲ့ ... တစ်နေ့တော့ ဈေးဗန်းလေး ခေါင်းရွက်ပြီ လည့်ရောင်းတဲ့ ကောင်မလေးငယ်ငယ်တစ်ယောက် ကျောင်းရှေ့ကို ဈေးလာရောင်းသတဲ့ ... သူကတော့ အမြဲတမ်း သူများကို လက်နဲ့ မဟုတ်ရင် ပါးစပ်နဲ့ အနိုင်ကျင့်နေကျဆိုတော့ ဒီလိုပြောသတဲ့ဗျာ " ဟဲ့ ကောင်မလေး နင်ရောင်းတဲ့ မုန့်က ပူနွေးပြီး အရသာကောင်းတယ်သာ ပြောတယ် ... ငါ့ အမြင် ခွေးချေးလောက်တောင် ကောင်းမယ် မထင်ဘူး" လို့ပြောတော့ ကောင်မလေးက ပြန်ပြီး ရန်မလုပ်ပဲ ဒီစကားလေး တစ်ခွန်းပဲ ပြန်ပြောပါသတဲ့ " အဲ့ဒါကတော့ အစ်ကိုရယ် ကိုယ်ကြိုက်တာကိုတော့ ကိုယ်ကောင်းတယ် ထင်ကြတာပဲ" တဲ့ ခင်ဗျာ ....
တစ်ချို့ကတော့ ပြောကြပါသေးတယ် ... ဒီဘ၀မှာ လူရယ်လို့ ဖြစ်လာပြီး မှတော့ လူသားဆန်ဆန် နေထိုင်ရမှာ ပေါ့တဲ့ ခင်ဗျာ .... ဒီနေရာမှာ သူတို့တွေက လူသားဆန်ခြင်းကို ဘယ်လို အဓိပ္ပာယ် ဖွင့်လဲတော့ ကျွန်တော်နားမလည်နိုင်ဘူး ခင်ဗျာ ... (လူသားဆန်ခြင်းအပေါ် အမြင်ကို နောက်မှပဲ )...
No comments:
Post a Comment