Monday, September 10, 2012

ဟစ်တလာ


အဲဒေါ့ဟစ်တလာ

၁၈၈၉- သြစတြီးယားနိုင်ငံ ဗရွန်းနောမြို့တွင် မွေးဖွားသည်။
၁၉၁၄-၁၈- ပထမကမ္ဘာစစ်အတွင်း ဂျာမနီတပ်မတော်တွင် အမှုထမ်းသည်။
၁၉၂၁- နာဇီပါတီကို တည်ထောင်သည်။
၁၉၂၃- အကျဉ်းချခံရသည်။





(ထောင်ကျနေစဉ်) နိုင်ငံရေးဆိုင်ရာ သူ၏ ခံယူချက်ဝါဒဖြစ်သော "ကျွန်ုပ်၏ ကြိုးပမ်းမှု" စာအုပ်ကို ရေးသားသည်။
၁၉၃၃- ဂျာမနီနိုင်ငံ၏ အဓိပတိ ဖြစ်လာသည်။ ထို့နောက် အာဏာရှင်ဖြစ်လာသည်။
၁၉၃၉-၄၅ - ဂျာမနီနိုင်ငံကို ဒုတိယကမ္ဘာစစ် အတွင်းသို့ ဦးဆောင် ခေါ်ယူသွားခဲ့သည်။ ဆိုဗီယက် တပ်နီတော်မှ

ဘာလင်မြို့ကို သိမ်းပိုက်ရာ မိမိကိုယ်မိမိ သတ်သေသွားခဲ့သည်။

အဲဒေါ့ ဟစ်တလာကို သြစတြီးယားနိုင်ငံမှာ မွေးဖွားခဲ့ပါတယ်။ သူဟာ ဗှယင်နာမြို့ လမ်း(တွေ) ပေါ်မှာ ရုပ်ပုံကားချပ်တွေ၊ ပုံကြမ်းတွေ (လှည့်လည်) ရောင်းချခြင်း၊ တောက်တိုမယ်ရ ကျပန်းအလုပ်တွေ လုပ်ကိုင်ခြင်းအားဖြင့် (သူ့ဘဝမှာ) စတင်အသက်မွေးဝမ်းကြောင်းမှု ပြုခဲ့ရပါတယ်။ ပထမကမ္ဘာစစ်အတွင်းမှာ  သူက ဂျာမာန် တပ်မတော်မှာ ဝင်ရောက် အမှုထမ်းတယ်။ ၁၉၁၈ ခုနှစ် ဂျာမနီနိုင်ငံ စစ်ရှုံးအပြီးမှာ နိုင်ငံ  အာဏာကို ရရ်ီနိုင်ဖို့ သူ့ရဲ့ အခွင့်အရေးကို သူတွေ့မြင်ခဲ့တယ်။
ကမ္ဘာစစ်ကြီး အပြီးမှာ ဟစ်တလာက ဟောပြောပွဲတွေလုပ်တယ်... မိန့်ခွန်းတွေ ချွေတယ်၊ ဂျူးလူမျိုး စီးပွားရေးလုပ်ငန်းရှင်တွေနဲ့ ကွန်မြူနစ်တွေကို မုန်းတီးလာအောင် လှုံ့ဆော် သွေးထိုးပေးတယ်။ ဂျာမနီနဲ့ သြစတြီးယားစစ်ရှုံးရမှု အတွက် သူတို့ကို အပြစ်ပုံချတယ်။ ၁၉၂၁ ခုနှစ်မှာ နိုင်ငံရေးပါတီတစ်ခုဖြစ်တဲ့  နာဇီပါတီကို သူက စတင်ဖွဲ့စည်းတယ်။ ၁၉၃၃ခုနှစ်မှာ အဓိကအားဖြင့် အလုပ်လက်မဲ့ဦးရေ အလွန်အမင်းများပြားလာခြင်းနဲ့ ကုန်ဈေးနှုန်းတွေ တက်ပြီး အဆမတန် ငွေကြေးဖောင်းပွလာမှုတွေ ဖြစ်လာခြင်း တို့ကြောင့် ဟစ်တလာရဲ့ နာဇီပါတီဝင်တွေ နိုင်ငံရေးအာဏာရအောင် ရွေးချယ်တင်မြှောက်ခံခဲ့ကြရတယ်။
သူက နိုင်ငံရေးပါတီတွေနဲ့ အလုပ်သမား အစည်း အရုံးတွေအားလုံးကို အလျင်အမြန် ပိတ်ပင်တားမြစ်လိုက်တယ်။ ပြီးတော့ အီတလီ အာဏာရှင် မူဆိုလီနီ ရဲ့ နမူနာကို အတုယူလိုက်နာပြီး သူသာလျင် ဂျာမနီရဲ့ တစ်ဦးတည်းသော ခေါင်းဆောင်ကြီးဖြစ်တယ် လို့ သူကိုယ်တိုင် ကြေငြာတယ်။ သတင်းစာ၊ ရေဒီယို၊ ရုပ်ရှင်တွေကို ထိန်းချုပ်ကွပ်ကဲခြင်းအားဖြင့် သူ့ကို သူ့ရဲ့ ဝါဒဖြန်ချိရေးဝန်ကြီး ဂျိုးဇက်ဂိုဘဲလ်က ကူညီခဲ့တယ်။ ပြီးတော့ ဆိုးဝါးပြီး ကြောက်မက်ဖွယ်ကောင်းတဲ့ ဂက်စတာပိုခေါ် လျှို့ဝှက်ရဲ (စုံထောက်) အဖွဲ့ ကို ဖွဲစည်းခြင်းအားဖြင့် သူ့ကို အထောက်အကူ ပေးခဲ့တယ်။
ဟစ်တလာ့အနေနဲ့ ဂျာမာန်တွေဟာ အလွန်ကြီးမြတ်ပြီး အဓိကကျတဲ့ လူမျိုးဖြစ်တယ်လို့ ယုံကြည်တယ်။ ပြီးတော့ သူ့က ဂျာမနီကို သြစတြီးယားနဲ့ အခြားဂျာမာန်စကားပြော နယ်မြေဒေသတွေကို ပေါင်းစည်းပြီး အလုံးစုံ အင်အား ပြည့်ဝတဲ့ သြဇာတိက္ကမ ကြီးတဲ့ နိုင်ငံကြီးတစ်နိုင်ငံ အဖြစ် ထူထောင်ဖို့ ကြံရွယ်တယ်။ သူက နိုင်ငံရေး အကျဉ်းစခန်းတွေကိုလည်း တည်ထောင်ခဲ့တယ်။ အဲဒီစခန်းတွေကိုလည်း တည်ထောင်ခဲ့တယ်။ အဲဒီစခန်းတွေကို အက်စ်အက်စ် လူတပ်မခွဲခေါ် လုမဆန်တဲ့ ဌာနခွဲတစ်ခုက စီမံအုပ်ချုပ်တယ်။ အဲဒီစခန်းဟာ သန်းပေါင်းများစွာသော ဂျူးလူမျိုးတွေနဲ့ နိမ့်ကျတဲ့ မျိုးနွယ်စုတွေလို့ခေါ်တဲ့ လူတွေကို အကျဉ်းချထားဖို့နဲ့ သတ်ပွဲကြီးတွေ ကျင်းပဖို့ တည်ထောင်ထားတာဖြစ်တယ်။
ဟစ်တလာရဲ့ စစ်လိုလားတဲ့ လုပ်ဆောင်ချက်တွေက အခြားနိုင်ငံ  အခြားလူမျိုးတွေကို အလွန်အမင်း အထိတ်တလန့် ဖြစ်စေခဲ့တယ်။ ဒါကြောင့် နောက်ဆုံးကျတော့ ဗြိတိန်နဲ့ ပြင်သစ်နိုင်ငံတွေက ဂျာမနီနိုင်ငံတွေ အပေါ် ၁၉၃၉ ခုနှစ်မှာ စစ်ကြေညာခဲ့တယ်။ ဒီတော့ ဒုတိယကမ္ဘာစစ်ကြီး စတင် ဖြစ်ပွားခဲ့ပါတယ်။ ပထမတော့ ဟစ်တလာရဲ့ တပ်မတော်တွေဟာ နေရာတကာမှာ အောင်ပွဲခံခဲ့တယ်။ နှစ်အနည်းငယ်ကြာအောင် ဥရောပ နိုင်ငံအများစုကို သူစိုးမိုး အုပ်ချုပ်နိုင်ခဲ့တယ်။ ဒါပေမယ့် ၁၉၄၁ ခု ဇွန်လမှာ သူက ကြီးမားကျယ်ပြန့်တဲ့ ဆိုဗီယက်ယူနီယံကို ကျူးကျော်ဝင်ရောက်ခဲ့တယ်။ (သူ့အတွက်တော့ မုန်းတီးတဲ့ ကွန်မြူနစ်နိုင်ငံ တစ်နိုင်ငံပေါ်)။ အဲဒီနှစ်နောက်ပိုင်းမှာ သူ့ကို ဆန့်ကျင်တိုက်ခိုက်ဖို့ အမေရိကန်က စစ်ထဲဝင်လာတယ်။ နှစ်တစ်ထောင်ကြာအောင် ကြံရွယ်ခဲ့တဲ့ ဟစ်တလာရဲ့ ဂျာမနီနိုင်ငံတော်ကြီးဟာ ၁၉၄၅ ခုနှစ်မှာ ချေမှုန်းနှိမ်နင်းခံခဲ့ရတယ်။ ဒီတော့ သူက ဘာလင်မြို့ကတုတ်ကျင်းတစ်ခုမှာ သူ့ကိုယ်သူ သေနတ်နဲ့ ပစ်ပြီး သတ်သေခဲ့ပါတယ်။ သမိုင်းမှာသူဟာ အခြားဘယ်သူ မဆိုထက် ပိုမို များပြားတဲ့ အသက်ဆုံးရှုံးမှုတွေ၊ ဝေဒနာဒုက္ခတွေ အတိဒုက္ခရောက်မှုတွေကို ထားခဲ့သူ ဖြစ်ပါတယ်။

No comments:

Post a Comment